Karèt gelang
Karet gelang utawa gelang karet ya iku potongan karet awujud gelang kang digawé kanggo naleni barang. Karet gelang kapérang saka warna-warna ukuran, saka ukuran gedhé dhéwé nganti paling cilik, saka paling kandel nganti paling tipis. Bahan baku karet gelang ya iku karet alami mula wernane kuning. Karet gelang warna-warni digawé kanthi nambahi bahan pewarna. Prodhusen uga ana kang nggawé karet gelang tahan lenga lan tahan sakabehing cuaca. O-ring wujudé mirib karet gelang nanging digawé saka elastomer lan kanggo seal. Dibandhingake karo karet gelang, O-ring ora patiya elastis. Sebagian besar karet gelang digawé saka karet alami kang minangka asil pengolahan lateks saka wit karet. Karet gelang uga digawé saka karet sintetis, nanging kalah misuwur saka karet alami kang elastis.[1]
Prinsip panggawéyan karet gelang sedherhana banget. Karet awujud silinder (tabung) dawa dikethok-kethok dadi karet gelang miturut ukurane.[2]
Ukuran
[besut | besut sumber]
Di nagara liya, ukuran karet gelang diatur miturut standar kang ana ing nagara iku. Karet gelang duwé dawa, amba, lan dhuwur. Dawa karet gelang ya iku setengah saka garis keliling. Dhuwur karet gelang nujudake jarak saka garis jero nganti garis jaba. Amba karet gelang ya iku kandele karet gelang nalika dikethok-kethok saka silinder karet kang dawa.[3]
| Ukuran Karet Gelang | |||
| Ukuran | Dawa (in) | Amba (in) | Kandel (in) |
| 10 | 1.25 | 1/16 | 1/32 |
| 12 | 1.75 | 1/16 | 1/32 |
| 14 | 2 | 1/16 | 1/32 |
| 31 | 2.5 | 1/8 | 1/32 |
| 32 | 3 | 1/8 | 1/32 |
| 33 | 3.5 | 1/8 | 1/32 |
| 61 | 2 | 1/4 | 1/32 |
| 62 | 2.5 | 1/4 | 1/32 |
| 63 | 3 | 1/4 | 1/32 |
| 64 | 3.5 | 1/4 | 1/32 |
| 117 | 7 | 1/16 | 1/32 |
Panemu lan usahawan kebangsaan Inggris kang jenenge Stephen Perry minangka wong pisanan kang bisa ngéntukake paten kanggo karet gelang. Stephen Perry kang duwé perusahaan karet vulkanisir éntuk paten kanggo karet gelang ing tanggal 17 Mèi 1845. Karet gelang kang dipatenkan Perry béda karo karet gelang kang ana saiki. Karet gelang jaman saiki wis ngalami vulkanisasi, mula karet luwih elastis, tahan suwé lan menthine duwé akèh mupangat.
Mupangat
[besut | besut sumber]Karet gelang asipat elastis mula mupangat kanggo naleni barang.
- Karet gelang kerep dianggo naleni sega bungkus, gadho-gadho, lan panganan liyané kang dibungkus kertas utawa godhong.
- Kanthong plastik kang isiné gula, kacang, utawa bahan panganan liyané gampang ditaleni karo karet gelang.
- Karet gelang bisa dinggo naleni utawa nguncir rambut.
- Karet gelang kang ditaleni ing pucuk potlot bisa mupangat minangka busak.
- Karet gelang dianggo minangka penggerak ing baling-baling montor mabur modhel utawa dolanan mekanis liyané.
Dolanan
[besut | besut sumber]Karet gelang uga bisa dadi dolanan kang nyenengake, kaya ta jeprètan nganggo karet gelang. Kulit manungsa kang kena jepretan karet gelang lumrahé ora apa-apa, nanging yèn dijepretake marang kéwan, rai wong utawa mripat bisa njalari bahaya. Karet gelang uga bisa diuncalake kanthi bedhil-bedhilan saka kayu bekas kang entheng utawa sumpit sekali pakai. Ing Jepang ana kejuwaraan nasional nembak nganggo karet gelang.
Bocah wédok ing akèh nagara migunakaké rentengan karet gelang kanggo lompatan. Rentengan karet gelang dienggo bocah wadon kanggo dolanan lompat tali. Bocah loro nyekeli pucuk tali lan diubengake, déné bocah liyané nglompati tali iku.[4]
Cathetan sikil
[besut | besut sumber]- ↑ scifun.chem.wisc.edu Archived 2019-06-13 at the Wayback Machine. Karet Gelang
- ↑ rubberband.com Archived 2011-07-15 at the Wayback Machine. Karet Gelang
- ↑ archive.kaskus.us[pranala mati permanèn] Karet Gelang
- ↑ Shakhashiri, Bassam Z. (1983), Chemical Demonstrations: A Handbook for Teachers of Chemistry, 1, Madison, WI: The University of Wisconsin Press, ISBN 978-0299088903